छत्तीसगढ़ प्रदेश कांग्रेस के नवगठित कार्यकारिणी के पहिली बइठक ह वीडियो कांफ्रेंसिंग ले होइस: शैलेश नितिन त्रिवेदी
जय जोहार रायपुर…. एआईसीसी के छत्तीसगढ़ प्रभारी पीएल पुनिया, एआईसीसी के छत्तीसगढ़ प्रभारी सचिव डॉ. चंदन यादव के उपस्थिति म प्रदेश कांग्रेस अध्यक्ष मोहन मरकाम के नवगठित 41 सदस्यीय कार्यकारिणी के पहिली बइठक वीडियो कांफ्रेंसिंग ले होइस। ए बइठक म छत्तीसगढ़ प्रदेश कांग्रेस के कोषाध्यक्ष, सबो उपाध्यक्ष, महासचिव अऊ कार्यकारिणी के सदस्य ह उपस्थित रहिस। कांग्रेस संचार विभाग के अध्यक्ष शैलेश नितिन त्रिवेदी, मुख्यमंत्री के सलाहकार विनोद वर्मा, राजेश तिवारी, कांग्रेस मोर्चा संगठन मन के प्रदेश प्रमुख फूलोदेवी नेताम, कोको पाढ़ी, आकाश शर्मा, अरुण ताम्रकार अऊ प्रदेश कांग्रेस के सोशल मीडिया के प्रमुख जयवर्धन बिस्सा विशेष आमंत्रित के रूप म उपस्थित रहिस।
बइठक म कोरोना संकट के समय जरूरतमंद मन के मदद अऊ जागरूकता बर कांग्रेस संगठन के तरफ ले जारी कार्य मन म चर्चा करे गिस। ऊहचे सबो प्रदेश कांग्रेस पदाधिकारी मन ले ओखर क्षेत्र मन के जानकारी ले गिस अऊ कमी अऊ समस्या मन म घलो चर्चा करे गिस। एआईसीसी के छत्तीसगढ़ प्रभारी पीएल पुनिया ह कहिन कि कोरोना महामारी ले उत्पन्न ए संकट के समय म कांग्रेस जन मन ह प्रदेश अऊ देश म मदद पहुंचाए के काम म सरकार ले तालमेल रखत हुए अहम भूमिका निभाए हे।
बइठक के शुरूआत म प्रदेश कांग्रेस अध्यक्ष मोहन मरकाम ह कहिन कि ए जेन कोरोना आपदा आए हे अऊ ए आपदा के घड़ी म प्रदेश कांग्रेस कार्यकारिणी के ए महत्वपूर्ण बइठक होवत हे। कांग्रेस के राष्ट्रीय नेतृत्व के तरफ ले दिन प्रतिदिन देश अऊ प्रदेश म कोरोना के स्थिति के समीक्षा करे जात हे अऊ छत्तीसगढ़ कांग्रेस संगठन ल राहत कार्य मन म लगातार काम करे के निर्देश दे जात हे।
