जय जोहार…. (Chhattisgarh) राज्य सरकार ह धान खरीदी बर समिति के तरफ ले उपलब्ध कराए गे पुराना जूट बारदाना के उपयोग के घलो अनुमति दे हे। समिति ले प्राप्त पुराना जूट के बारदाना म धान खरीदी करे के संबंध म मंत्रालय महानदी भवन ले खाद्य नागरिक आपूर्ति अऊ उपभोक्ता संरक्षण विभाग ह आदेश जारी कर दे हे।
छत्तीसगढ़ (Chhattisgarh) म धान खरीदी बर नवा जूट बारदाना, पीटीएस बारदाना, मिलर के तरफ ले उपलब्ध कराए गे बारदाना अऊ किसान मन के बारदाना के अतिरिक्त अब समिति के तरफ ले उपलब्ध कराए जवइया पुराना जूट बारदाना के उपयोग करे जाही।
समिति के तरफ ले उपलब्ध कराए गे पुराना जूट बारदाना बर उपयोगिता शुल्क 7.32 रुपया प्रति नग तय करे गे हे। ये निर्धारण ल भारत सरकार के तरफ ले पुराना बारदाना के उपयोग के संबंध म समय-समय म जारी दिशा निर्देश के अधीन करे गे हे।
गौरतलब है कि (Chhattisgarh) राज्य सरकार के तरफ ले खरीफ विपणन वर्ष 2020-21 म भारत सरकार के तरफ ले जूट कमिश्नर के माध्यम ले आपूर्ति करे जवइया नवा बारदाना के कमी अऊ प्रतिपूर्ति बर राज्य सरकार के तरफ ले क्रय करे जावत एचडीपीई, पीपी बारदाना के आपूर्ति के बाद घलो धान उपार्जन म बारदाना के संभावित कमी के पूर्ति बर समिति के उपलब्ध कराय गे पुराना बारदाना के उपयोग के अनुमति दे गे हे।
