सेंचुरी पार कर दिस कोंपल ह , अब होही एक सौ दूसरी प्रस्तुती , नवा सिंगर मन बर हावे मौक़ा

जय जोहार रायपुर.. दीपक ५२कर.. गीत संगीत के महफील जमथे हर रविवार के स्थान होथे नगर निगम गार्डन , इन्हा सब्बो गायक गायिका मन सक्लाथे अऊ कोंपल संस्था के मंच म अपन टेलेंट ल देखाथे, संस्था के प्रमुख वेदप्रकाश दास अऊ संजू साहू ह किहिस कि हमन ल वो दिन भी याद हे जब पहला प्रस्तुति देन त हमर संग दू चार कलाकार ही रिहिन लेकीन लोग मिलते गय और कारवाँ बनता गया.

इही तर्ज म आज कोंपल संस्था के बड अकन सदस्य हो गे हे जेन मन अपन प्रस्तुति के माध्यम ले अपन गायिकी म निखार लाथे, दास जी ह आगे किहिस कि नॉन प्रोफेसनल सिंगर भी हमर ले जुड़ के बेहतरीन गायक बन सकथे अऊ ये दिशा म हमर प्रयास निरंतर चलत हे.

बता दन कि अभी कुछ दिन पहिली  जेएन पाण्डेय स्कूल म कोंपल ह अपन सौवा प्रस्तुति दे रिहिस जेमा सब्बो कलाकार मन के सम्मान करे गे रिहिस, सेबल ख़ास बात ये हे कि कोंपल संस्था के संजू साहू ह एक बेहतरीन अदाकारा घलो हे अऊ वेद प्रकाश दास ह एक बेहतरीन निर्देशक अऊ मेकअप आर्टिस्ट हे.