0 संस्कृति मंत्री अमरजीत भगत अउ प्रेमसाय सिंह टेकाम ह करिन 3 दिन के कौशल्या महोत्सव के सुभारंभ
जय जोहार। प्रदेस म 3 दिन के कौशल्या महोत्सव सुरू हो गेहे। बरसा के बीच ए महोत्सव के संस्कृति मंत्री अमरजीत भगत अउ प्रेमसाय सिंह टेकाम ह सुभारंभ करिन।
ए दउरान संस्कृतिक मंत्री और विधायक ह मानस मंडली के संग रामायण करे ल बइठीन अउ राम भक्ति म मंत्री अउ विधायक ह लीन होइन। ए महोत्सव के समापन समारोह म मुख्यमंत्री भूपेश बघेल ह सामिल होही।
ए अवसर म संस्कृति मंत्री अमरजीत भगत ह किहीन कि ये बड़ अकन ऐतिहासिक मउका हे जब माता कौशल्या धाम म संस्कृति, कला, साहित्य ल विकसित बर भव्य आयोजन करे जावत हे। माता कौशल्या धाम ले प्रदेस ल नवा पहचान देस दुनिया म मिलत हे।
महोत्सव म सांस्कृतिक कार्यक्रम के होही आयोजन
आस्था अउ भक्ति ले ओतप्रोत ए महोत्सव म छत्तीसगढ़ समेत देस के ख्याति प्राप्त कलाकार कोती ले सांस्कृतिक कार्यक्रम के आयोजन करे जाही। ए महोत्सव म देस के मशहूर युवा क्लासिकल सिंगर मैथिली ठाकुर अउ देस के प्रख्यात गायक पद्म कैलाश खेर घलो प्रभू श्री राम के ननिहाल चंदखुरी म अपन प्रस्तुति देही।
No Comment! Be the first one.