नीलम चंद्राकर के समर्थक मन ल फटकार लगाइस सीएम ह

धमतरी.लोकसभा चुनाव म सीएम भूपेश बघेल प्रदेस म जमके आमसभाएं करत हे. इहीं क्रम म आज मुख्यमंत्री भूपेश बघेल ल कुरूद विधानसभा म आससभा ल संबोधित करिन. जिहां हजारों के संख्या म कार्यकर्ता सामिल होइन.

कार्यकर्ता सम्मेलन के दउरान ओ बेरा म गहमागहमी के माहऊल पईदा हो गिस जब कांग्रेस ले बागी होके विधानसभा चुनाव लड़इया नीलम चंद्राकर समर्थक मन के भीड़ के संग शक्ति प्रदर्शन करत हुए कार्यक्रम स्थल पर पहुंच गिन. ये इत्तेफाक रिहिस के उहीं बेरा म लक्ष्मीकांता साहू मंच ल संबोधित करत रहीन. श्रीमती साहू ल कांग्रेस ह अपन प्रत्याशी बनाय रिहिस हे. लेकिन नीलम के बागी होय ले उमन ल हार के सामना करना पड़िस.

कार्यक्रम स्थल म मंच ले लक्ष्मी साहू ह नाम ले बिना साफ तऊर म कहिन के, पार्टी ले बागी होवइया मन ह कांग्रेस के स्थानीय नेता मन क संगेच बड़का नेता मन ल भला बुरा कहिन अउ उंखर अपमान करिन हे. बागा मन के कारन ही कुरूद म कांग्रेस पार्टी के जीत नइ हो पाईल. ये बात ले नीलम के समर्थक उत्तेजित हो गन अउ जमके नारेबाजी करे लगिस.

बिगड़त माहऊल ल देख के सीएम ह अपन कुर्सी ले उठ के खुद माइक अपन हाथ म ले लिस अउ नारेबाजी करे बर मना करत हुए नसीहत दीन के पार्टी ही सर्वोपरि हे. एखर आघू कोनो कुछु नइए. जे घलो इहां आए हे. उमन जिहां जगा मिलत हे सांति ले बईठ जाय.पार्टी म अनुसासनहीनता के कोनो जगा नइए.