जय जोहार…. (Jagdalpur) जगदलपुर के लालबाग मैदान म स्व. तेजिंदर सिंह गैदु स्मृति प्रतियोगिता के विजेता टीम ह यादगार के रूप म दिवंगत खिलाड़ी के परिवार ल ट्राफी सौंपे हे।
स्पर्धा के फाइनल मुकाबला ल रविवार के लालबाग विरुद्ध जयपुर एकादश के बीच खेले गिस। जेमा जयपुर एकादश ह पहिले बल्लेबाजी करत हुये 20 ओवर म 8 विकेट म 158 रन बनाए रिहिन। जयपुर टीम के आदित्य ह 66 रन बनाईस अऊ लालबाग टीम के तरफ ले अनस अऊ कौशलेंद्र ह 3-3 विकेट हासिल करिन।
(Jagdalpur) लालबाग के टीम ह 19.1 ओवर म 5 विकेट के नुकसान म लक्ष्य ल हासिल कर लीन। लालबाग टीम के अमित ह 57 अऊ अनस ह 47 रन के शानदार पारी खेलिन। लालबाग टीम के अनस ल मैन आफ द मैच चुने गे हे। स्पर्धा के सर्वश्रेष्ठ खिलाड़ी तोकापाल के सन्नी डेविड, बेस्टर बालर शिवसागर, बैट्समैन कौशलेंद्र, कीपर अविनाश अऊ फील्डर दिल्लू पांडा ल चुने गे हे।
(Jagdalpur) पुरस्कार वितरण समरोह म मुख्य अतिथि मंजीत सिंह गैदु, एएसपी ओमप्रकाश शर्मा, संतोष मिश्रा, आनंद मोहन मिश्रा, केदार ठाकुर, रोजमींदास, हरदीप सिंह गैदु समेत वरिष्ठ खिलाड़ी मन ह उपस्थित रिहिन।
No Comment! Be the first one.