chhattiisgarh : ग्रामीण अर्थव्यवस्था के स्वावलंबन बर सहकारिता आंदोलन ल मजबूत बनाय के जरूरत – भूपेश बघेल

जय जोहार…. (chhattiisgarh) सीएम भूपेश बघेल ह किहीन कि सहकारी बैंक ले किसान मन ल बड़का उम्मीद हे । ग्रामीण अर्थव्यवस्था ल स्वावलंबी बनाय बर सहकारिता आंदोलन के विस्तार अउ एला जादा मजबूत बनाय के आवश्यकता हे।

किसान मन के संगे संग मजदूर, गौपालक अउ वनांचल के आदिवासी भाई-बहिनी ल घलो सहकारी बैंक ले जोड़े जाना चाही, जेखर ले ओमन ल बैंक के सुविधा के लाभ मिल सके। मुख्यमंत्री बघेल ह आज अपन निवास कार्यालय ले वीडियो कॉन्फ्रेंसिंग ले जिला सहकारी केंद्रीय बैंक राजनांदगांव के नवनियुक्त अध्यक्ष नवाज खान के पदभार ग्रहण कारीकरम ल सम्बोधित करत रिहीन।

ए अवसर म मुख्यमंत्री बघेल ह राजनांदगांव जिला के वनांचल के गांव मानपुर अउ मुढ़ीपार (खैरागढ़) म सहकारी बैंक के भवन निर्माण के घोसना करीन। (chhattisgarh ) वो हा किहीन कि हरेक सहकारी बैंक के भवन के निर्माण 36 लाख रुपिया के लागत ले करे जाहि। कारीकरम के आयोजन ल राजनांदगांव के पद्मश्री गोविन्द राम निर्मलकर ऑडिटोरियम म करे गीस हे ।

ए अवसर म (chhattisgarh ) लोकसभा सांसद दीपक बैज ,राज्यसभा सांसद श्रीमती फूलोदेवी नेताम ह मुख्यमंत्री निवास म अउ छत्तीसगढ़ सहकारी बैंक के अध्यक्ष बैजनाथ चंद्राकर, राज्य पिछड़ा वर्ग प्राधिकरण के अध्यक्ष दलेश्वर साहू, छत्तीसगढ़ राज्य अनुसूचित जाति प्राधिकरण के अध्यक्ष भुवनेश्वर शोभाराम बघेल, विधायक इंदर सिंह मंडावी, देवव्रत सिंह, श्रीमती छन्नी साहू राजनांदगांव म उपस्थित रिहीन।