राजनीति ले ऊपर उठ के मानवता के मिसाल पेश करिस ये कांग्रेसी नेता…जानव कोन हे वो अऊ का करिस
जय जोहार…दीपक 52 कर… जब पूरा प्रदेश म लॉक डाउन हे तब दू साल के नागेश जेन ह सिकलिंग जइसे बीमारी ले लड़त हे अऊ ओला हर दू महीना म खून चढ़ाय ल पढ़थे , लेकिन वो देवभोग म रहिथे अऊ ओखर शरीर म केवल दू ग्राम खून बाचे रिहिस, अईसे में जेन कांग्रेसी नेता ह ओखर मदद बर आगे आइस वो रिहिस युवा नेता विनोद तिवारी,
जेन ह जिला पंचायत गरियाबंद ले आग्रह करके एम्बुलेन्स के व्यवस्था करिस अऊ नागेश ल रायपुर के बालाजी अस्पताल म भर्ती करवा के ओखर इलाज करवाय म अपन भूमिका निभाइस, बता देन कि विनोद ह ए दौरान रात भर अस्पताल म रिहिस अऊ लइका के ठीक होय के बाद आरटीओ ले अनुमति ले के ओला ओखर घर देवभोग तक छोड़े ल घलो गिस,
विनोद ह बताइस कि संकट के ए घड़ी म प्रदेश के मुखिया के निर्देश के पालन अऊ सुरक्षा नियम के तहत ओला सकुशल ओखर घर तक छोड़े म वो ह सफल होइस।
विनोद के ये कार्य बर प्रदेश के मुख्यमंत्री ह ओला शाबासी दिस अऊ उज्ज्वल भविष्य के कामना करिस, मानवता के ये मिसाल पेश करैया विनोद तिवारी ल नागेश के माता पिता अऊ जम्मो झरगांव के ग्रामीण मन धन्यवाद दिन हे।
