‘कौन बनेगा करोड़ पति’ के हॉट सीट म बइठही छत्तीसगढ़ के ये महिला डॉक्टर, अमिताभ बच्चन संग डांस घलो करही
रायपुर। सोनी टीवी के चर्चित सीरियल ‘कौन बनेगा करोड़पति’ के पहिलीच एपिसोड म रायपुर के डॉ. चित्रलेखा राठौर ह सुपरस्टार अमिताभ बच्चन के संग हॉट सीट म बइठके उंखर सवाल के जवाब देवत नजर आहीं।
ये मेगा शो के 11वां सीजन सोमवार ले सुरू होवत हे। मुंबई म ये एपिसोड के सूटिंग हो चुके हे, जेकर प्रसारण 19 अगस्त के सोनी टीवी म करे जाही।
डॉ. चित्रलेखा राठौर ह रायपुर के रामकृष्ण केयर अस्पताल म काम करथें। चित्ररेखा ह सवाल मन के जल्दी-जल्दी जवाब दिन हें, तेकर सती हॉट सीट बर ओला चयनित करे गिस।
मीडिया ले चर्चा करत डॉ. चित्रलेखा ह बताईन कि कार्यक्रम के दउरान डांस ल अपन हॉबी बताईस त अमिताभ बच्चन ह ओला डांस करे बर आमंत्रित करिन। वोकर बाद अमिताभ बच्चन के संग खूब डांस करिन हे। संगे-संग बच्चन जी ह घर-परिवार अउ दीगर विषय म गोठ-बात घलो करिन हें।
