जय जोहार…. कोरोना संक्रमण ले उत्तरप्रदेश (UP) म भाजपा के तिसरइया विधायक केसर सिंह गंगवार के निधन हो गे हे। विधायक गंगवार के नोएडा के यथार्थ हास्पिटल म इलाज चलत रिहिस। ओ हा बरेली के नवाबगंज सीट ल विधायक रिहिन।
उत्तरप्रदेश (UP) के सीएम योगी आदित्यनाथ ह भाजपा विधायक के निधन म शोक व्यक्त करे हे। वो हा मृतक के परिजन के प्रति संवेदना व्यक्त करे हे। विधायक के निधन म यूपी बीजेपी अध्यक्ष स्वतंत्रदेव सिंह ह घलो संवेदना व्यक्त करे हे।
एखर पहले औरैया ले (UP) भाजपा विधायक रमेश दिवाकर अउ लखनऊ पश्चिम ले विधायक सुरेश श्रीवास्तव के निधन हो चुके हे। सुरेश श्रीवास्तव के कोरोना पाजिटिव पत्नी के घलो निधन हो चुके हे। जबकि ओखर बेटाके इलाज चलत हे। ओ हा कोरोना ले संक्रमित हे।
No Comment! Be the first one.