chhattisgarh म 18 बच्छर ले उपर उमर के मनखे मन ल लगही 1 मई ले कोरोना के टीका, रजिस्ट्रेशन हो गे सुरू
जय जोहार…. (chhattisgarh) प्रदेश म 18 बच्छर ले उपर उमर के मनखे मन के मुफ्त कोरोना टीकाकरण अभियान ह 1 मई ले सुरू होवइया हे। एखर बर मनखे मन ल पहिले कोविन एप या आरोग्य सेतु एप म पंजीयन कराना होही। नवा पंजीयन बर कोविन एप आज ले एक्टिव हो गे हे।
(chhattisgarh) एखर जानकारी ल कोविन चेयरमैन आरएस शर्मा ह ट्वीट कर दीन हे। वो हा एक लिंक घलो शेयर करे हे, जेखर ले पंजीचन के सबो जानाकीर ले जा सकत हे। प्रदेश सरकार ह पहली किस्त म सीरम इंस्टीट्यूट अउ भारत बायोटेक ल ओखर वैक्सीन के 25-25 लाख डोज के आर्डर दे हे। वैक्सीन मिलत टीकाकरण सुरू हो जाही।
बतावत जात हे कि सरकारी केंद्र म ये टीका मुफ्त लगाए जाही। केंद्र सरकार ह ए चरण म टीकाकरण केंद्र म जाके पंजीयन कराए के सुविधा ल खत्म कर दे हे। (chhattisgarh) 18 ले 45 बच्छर तक के मनखे मन ल टीकाकरण बर कोविन एप अउ आरोग्य सेतु एप ले पंजीयन कराना होही। एखर बर मनखे मन ल अपन नाम, पता, मोबाइल नंबर अउ आधार कार्ड ले जुड़े जानकारी ल देना होही।
