बीजापुर। जिला के बासागुड़ा थाना क्षेत्र म एक साप्ताहिक बाजार म शुक्रवार के नक्सली मन ह हमला कर दिस। ये हमला म जिला बल के दू जवान घायल होगे। एक जवान के पीठ म गोली लगिस दूसर ल नक्सली मन चाकू ले हमला कर दिस हे। येमा एक जवान के हालत नाजुक बताय जात हे।
बीजापुर के एसपी मोहित गर्ग ह घटना के पुष्टि करिस हे। मिले जानकारी म बीजापुर के बासागुड़ा थाना क्षेत्र म साप्ताहिक बाजार लगे हे। इहीं दउरान नक्सली मन के ओर ले भरे बाजार म 7-8 राउंड फायरिंग करे गिस । येमा दू जवान घायल होगे। घायल जवान मन ल बेहतर इलाज बर बीजापुर लाय गिस हे। घायल जवान मन के नाम उमेश दुर्गम अउ शंकर पूनम बताय जात हे। उमेश दुर्गम के पीठ म गोली लगिस हे। उमेश के स्थिति नाजुक बताय जात हे। दूनों जवान जिला बल म सहायक आरक्षक के पद म पदस्थ हे।
बता दन के 27 जुलाई ले 3 अगस्त तक नक्सली बस्तर म शहीदी सप्ताह मनाव हे। येकर सेती जगा जगा उत्पात मचात हे। सुकमा म आज नक्सली मन सड़क म पेड़ गिराके आवाजाही बाधित कर दीस। येकर अलावा बइनर लगाइस अउ परचा घलो फेंकिन।

बीजापुर। जिला के बासागुड़ा थाना क्षेत्र म एक साप्ताहिक बाजार म शुक्रवार के नक्सली मन ह हमला कर दिस। ये हमला म जिला बल के दू जवान घायल होगे। एक जवान के पीठ म गोली लगिस दूसर ल नक्सली मन चाकू ले हमला कर दिस हे। येमा एक जवान के हालत नाजुक बताय जात हे।
बीजापुर के एसपी मोहित गर्ग ह घटना के पुष्टि करिस हे। मिले जानकारी म बीजापुर के बासागुड़ा थाना क्षेत्र म साप्ताहिक बाजार लगे हे। इहीं दउरान नक्सली मन के ओर ले भरे बाजार म 7-8 राउंड फायरिंग करे गिस । येमा दू जवान घायल होगे। घायल जवान मन ल बेहतर इलाज बर बीजापुर लाय गिस हे। घायल जवान मन के नाम उमेश दुर्गम अउ शंकर पूनम बताय जात हे। उमेश दुर्गम के पीठ म गोली लगिस हे। उमेश के स्थिति नाजुक बताय जात हे। दूनों जवान जिला बल म सहायक आरक्षक के पद म पदस्थ हे।
बता दन के 27 जुलाई ले 3 अगस्त तक नक्सली बस्तर म शहीदी सप्ताह मनाव हे। येकर सेती जगा जगा उत्पात मचात हे। सुकमा म आज नक्सली मन सड़क म पेड़ गिराके आवाजाही बाधित कर दीस। येकर अलावा बइनर लगाइस अउ परचा घलो फेंकिन।