साय सरकार के कोसिस ले पूरा होइस सपना
- प्रधानमंत्री आवास योजना ह बदल दीस मन्नू-बिमला राठौर के जिंदगी
- मुख्यमंत्री विष्णुदेव साय के अगुवाई मा ग्रामीण मन ला मिलत हे सुरक्षित घर कच्चा घर ले पक्का मकान तक के सफर बनिस प्रेरणादायक
रायपुर. छत्तीसगढ़ मा साय सरकार के संवेदनसील अगुवाई अउ जनकल्याणकारी योजना के सही ढंग ले काम करे के सेती ग्रामीण इलाका मा जीवन स्तर मा बड़े सुधार देखे ला मिलत हे। प्रधानमंत्री आवास योजना के माध्यम ले अब गरीब परिवार मन के पक्का घर के सपना ह तेजी ले पूरा होवत हे। एकर एक बड़े उदाहरण जनपद पंचायत गौरेला के ग्राम पंचायत गोरखपुर मा देखे ला मिलिस, जिहां मन्नू राठौर अउ ओकर घरवाली बिमला राठौर ह योजना के लाभ लेके अपन जिंदगी के दिसा ला बदल दीन।
कभू कच्चा अउ जर्जर मकान मा रहे वाला ये परिवार हर मौसम मा दुख-तकलीफ के सामना करत रहिस। बरसात मा चुहत छत, गरमी अउ जाड़ मा असुरक्षित माहौल ह ओकर मन के जिंदगी ला भारी चुनौतीपूर्ण बना दे रहिस। कम कमाय-खाय के सेती पक्का घर बनाना ओकर मन बर एक सपना बरोबर रहिस।
बछर 2024-25 मा ओमन ला प्रधानमंत्री आवास योजना के तहत 1 लाख 20 हजार रुपिया के मंजूरी मिलिस। ये आर्थिक मदद ओकर मन के जिंदगी मा नवा उमीद बनके आईस। योजना ले मिले रकम अउ अपन मेहनत के दम मा मन्नू राठौर ह धीरे-धीरे अपन सपना के पक्का घर बना लिस।
आज ओकर परिवार एक सुरक्षित, साफ अउ मजबूत मकान मा रहत हे। लइका मन ला पढ़े-लिखे बर बने माहौल मिलिस हे, त ऊहें पूरा परिवार के रहन-सहन मा बड़े सुधार आईस हे। बिमला राठौर ह बताथे कि अब ओला झड़ी-बादल या आंधी-तूफान के कोनो चिंता नई रहय अउ ओमन अपन घर मा गरब अउ सम्मान के संग जिंदगी बितावत हें।
मुख्यमंत्री विष्णुदेव साय के अगुवाई मा परदेस सरकार कोति ले चलाय जावत योजना के लाभ आखिरी मनखे तक पहुँचाय के कोसिस लगातार जारी हे। साय सरकार के संकल्प के सेती ही आज हजारों जरूरतमंद परिवार मन ला न केवल पक्का आवास मिलत हे, बल्कि ओकर मन के जिंदगी मा भरोसा, सुरक्षा अउ सम्मान घलो पक्का होवत हे।
