ए हाल हे भूपेश बघेल के विधान सभा क्षेत्र म स्कूल मन के

सेलूद। शासकीय उच्चतर माध्यमिक शाला सेलूद म मंगलवार के स्टाप रुम के प्लास्टर भरभरा के गिर गे।  एमा एक महिला शिक्षिका समेत अन्य शिक्षक बाल बाल बचिन।

बताय जात हे के सेलूद स्कूल के कई कमरा बरिस ले जर्जर हे। एखर कारन स्कूल म अध्ययनरत विद्यार्थी मन ल बरसात के दिन म बरसत पानी म परीक्षा देय ल पड़थे।  स्कूल के छत के ऊपर ले पानी टपकथे। कई कमरा म बरसात के पानी ले बचे बर प्लास्टिक बांध के रखे गे हे।  स्कूल के प्राचार्य शीला शर्मा मंगलवार के घटना के जानकारी डीईओ, पाटन बीईओ व सेलूद सरपंच ल घलो दीस हे।