ए जर्जर अउ पुराना स्कूल विकास अउ मरम्मत के बाट जोहत हवय

मुंगेली. जे स्कूल म कद्दावर नेता पुन्नूलाल मोहले जइसे दिग्गज नेता ह प्राइमरी स्तर के पढ़ाई करे हे, वो स्कूल के सूरत आज घलो नई बदले हे … ये जर्जर अउ पुराना स्कूल विकास अउ मरम्मत के बाट जोहत हवय.

हमन बात करत हन, मंत्री अउ सांसद रही चुके मुंगेली विधानसभा के वर्तमान विधायक पुन्नूलाल मोहले के गृह ग्राम दसरंगपुर के आश्रित ग्राम किशनपुर के प्राथमिक स्कूल के. जिहां पूर्व मंत्री अउ वर्तमान विधायक मोहिले ह प्राथमिक स्तर के पढ़ाई करे है. 15 बछर तक बीजेपी सरकार म मंत्री रहे अउ वर्तमान म मुंगेली विधानसभा के विधायक होए के बाद घलो ए प्राथमिक स्कूल के भवन के न त उचित मरम्मत होइस अउ ना ही स्कूल म नवा बिल्डिंग के निर्मान होइस. एखर चलत जान जोखिम म डालके इहां के नैनिहाल जर्जर पुराना भवन म मजबूरीवश पढ़ाई करे ल मजबूर हे.

स्कूल के शिक्षक मन के कहिना हे के, स्कूल के बारे म उच्च अधिकारी मन ल अवगत कराया गिस. एखर बाद घलो अधिकारी मन ह ए दिशा म धियान नई दिस. अइसे नई के, नेता जी ल स्कूल के बदहाली के बारे म जानकारी नइए.

आप मन बता देवनके, इहीं स्कूल म विधायक पुन्नूलाल मोहले विधानसभा अउ लोकसभा चुनाव म वोट डाले बर आथे. इहाँ तक हाल ही म होए विधानसभा चुनाव म घलो इहीं स्कूल म पहुंच के उमन वोट करिन. एखर बाद घलो स्कूल के दशा म सुधार नइ होइस.

हद त ए हे के स्कूल परिसर म बाउंड्रीवाल नइ होए के वजह ले असामाजिक तत्व मन ह रात म इहां शराबी मन ल जमावड़ा रहत हवय. जेखर चलत स्कूल संचालन करे म घलो परेशानी के सामना करना पड़त हे.

स्थानीय लोग मन म स्कूल के ए बदहाल बेवस्था ल लेके काफी आक्रोस हवय. इहें स्कूल के बारे म जब नवपदस्थ डीईओ जीपी भारद्वाज ल बताए गिस त उमन कहिन के, हाल ही म मैं पदभार ग्रहन करे हव. मामला म संज्ञान ले के स्कूल के बारे म जानकारी ले के उचित मरम्मत कार्य अउ बिल्डिंग के निर्माण कराए जाही.