आघू आइस हजारो युवा , एम आई सेफ के नारा के संग निकलिस रैली , ग्रास मेमोरियल ले मरीन ड्राइव तक मार्च

जय जोहार रायपुर…. राजधानी ल सुरक्षित रखे बर सब ल आघू आना होही, जागरूक होय ल लगही ,इही उद्देश्य के साथ रायपुर म हजारो युवा मन रैली निकालिस, रैली ह आई एम सेफ के थीम म रिहिस , रैली ल महापौर ह झंडा दिखा के रवाना करिस अऊ किहिस कि देश म निर्भया काण्ड जैसे अपराध के फैसला म देरी होय ले आम जनमानस म देश के कानून के प्रति आस्था ह कम होय ल लागथे सरकार ल व्यवस्था म बदलाव करके जनहित ले जुड़े मुद्दा मन के निपटारा जल्दी करे के व्यवस्था बनाना चाहि,

रैली में मुख्य अतिथि के रूप म नवनिर्वाचित महापौर एजाज ढेबर, सभापति प्रमोद दुबे, पूर्व महापौर किरणमई नायक, एमआईसी सदस्य अजीत कुकरेजा,शहर अध्यक्ष कांग्रेस गिरीश दुबे के संगे संग पार्षद अऊ बड़े संख्या म राजधानीवासी शामिल होईस ,रैली के नेतृत्व शोएब ढेबर करिस.