Bilaspur: आईपीएल मैच म सट्‌टा खेलावत तीन आरोपी मन पकड़ाईस, पढो पूरा खबर

जय जोहार…. (Bilaspur) आईपीएल मैच म लगाय जावत सट्‌टा के खिलाफ पुलिस ह कार्रवाई करे हे। पुलिस ह अलग-अलग 12 मामला म कार्रवाई कर 24 लोगन मन ल गिरफ्तार करे हे। आरोपी मन करा ले पुलिस ह तीन लाख ले जादा के रकम बरामद करे हे।

मिले जानकारी के मुताबिक (Bilaspur) पुलिस ल मुखबिर ले सूचना मिलिस कि 20-21 अक्टूबर के रात म ईमलीपारा मुस्लिम सराय करा आईपीएल मैच दिल्ली कैपिटल्स अऊ किंग्स इलेवन पंजाब के बीच चलत मैच ल देखत हुये आईपीएल सट्‌टा खेलावत तीन आरोपी मन ल गिरफ्तार करिन।

जेमा आरोपी पिताम्बर ले 82 हजार नगद, राकेश देवांगन ले 1 लाख 70 हजार अऊ मनोज कृपलानी ले 23 हजार रुपया बरामद करे हे। (Bilaspur) जिला म आईपीएल सट्‌टा म 24 आरोपी मन के खिलाफ कार्रवाई कर 3 लाख 12 हजार 400 रुपया जब्त करे गे हे।