छत्तीसगढ़ म मिलिस तीन नवा कोरोना पाजिटिव मरीज, कोरोना संक्रमित मरीज मन के संख्या पहुंचिस 380

जय जोहार…. छत्तीसगढ़ म कोरोना संक्रमित मरीज मन के संख्या ह थमे के नाम नई लेवत हे। गुरुवार शाम के रायगढ़ म दू अऊ बिलासपुर म एक कोविड-19 पाजिटिव के पहचान होय हे। राज्य म अब कोरोना संक्रमित मरीज मन के संख्या ह 380 पहुंच गे हे।

गुरुवार बिहनिया मुंगेली म 9, बिलासपुर म दू अऊ कांकेर जिला म एक कोरोना संक्रमित मरीज मिले रहित। ऊहचे अवइया छह घंटे म रायगढ़ म दू अऊ बिलासपुर म एक कोरोना पाजिटिव मरीज मिले हे। राज्य म एक्टिव मरीज मन के संख्या ह 301 हो गे हे. ऊहचे छत्तीसगढ़ म कोरोना ले संक्रमित 380 लोगन मन ह पाय गे हे, जेमा ले 79 लोगन मन ह स्वस्थ हो के अपन घर लहुट चुके हे।