भर्ती नीति म संशोधन कर आउट्सोर्सिंग के नासूर ल जड़ ले रोकय…
रायपुर। जनता कांग्रेस छत्तीसगढ़ (जे) के अमित जोगी ह मुख्यमंत्री भूपेश बघेल ल पत्र लिखके राज्य शासन के भर्ती-नीति म तीन संशोधन करे के मांग करिस हे। उमन पत्र म लिखे हे के छत्तीसगढ़ शासन के विभिन्न विभाग मन म करे जा रहे व्यापक भर्ती मन म छत्तीसगढ़ के निवासी होना अनिवार्य नइए।
शर्त ल तत्काल निरस्त करव ताकि आउट्सोर्सिंग के नासूर ल जड़ ले रोके जा सकय। संगेच भर्ती म ए शर्त रखे जाए के समस्त भर्ती मन बर छत्तीसगढ़ी भाषा अथवा प्रदेश की प्रचलित बोली मन अउ संस्कृति के सामान्य ज्ञान होना अनिवार्य रहिना चाही, ताकि प्रदेस के निवासी मन ल राजस्थान, ओडिशा, महाराष्ट्र समेत अन्य राज्य मन के तर्ज म प्राथमिकता मिल सकय।
अपन दूसर मांग म उमन ह कहिन के, भर्ती मन के विकेंद्रीकरन कर के ओखर अधिकार त्रि-स्तरीय जिला पंचायत अउ स्थानीय सरकार के निर्वाचित जनप्रतिनिधि मन ल दे देना चाही।
अमित जोगी ह ये घलो जानकारी दीस के आउट्सोर्सिंग बंद करे अउ स्थानीय लोगन के भविष्य सुरक्षित करे बर उपरोक्त आशय के गैर-शासकीय संकल्प इही सत्र म जनता कांग्रेस छत्तीसगढ़ (जे) अउ बसपा गठबंधन के 7 विधायक मन द्वारा विधानसभा म जल्द प्रस्तुत करे जाही।
Other Articles
रायपुर रेलवे स्टेशन म लहरात हे 100 फीट ऊंचा तिरंगा
अंतागढ़ टेपकांड : राजेश मूणत के जमानत याचिका खारिज
