Corona : राजधानी म फेर कोरोना के तीन नवा मामले के होइस पहचान, सक्रिय संख्या ह बाढ़ के 738

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राजधानी म फेर कोरोना के तीन नवा मरीज के पहचान होय हे। गुरुवार देर रात के एक मरीज के पुष्टि होय के बाद दू अऊ लोगन मन के रिपोर्ट ह कोरोना पाजिटिव आय हे।
मिली जानकारी के मुताबिक एखर पहिले सीएमएचओ ऑफिस के डाटा एंट्री ऑपरेटर ह कोरोना (corona) पाजिटिव मिले रहिस। आज एक अऊ नवा मरीज मिले के बाद ऑफिस के आन स्टाफ म हड़कंप मच गे हे। एखर आलावा मेडिकल कालेज के दू डॉक्टर ह कोरोना पाजिटिव पाय गे हे।
बता देन कि प्रदेश म अब तक कुल कोरोना (corona) संक्रमित मरीज मन के संख्या ह 1949 हो गे हे। जबकि एक्टिव मरीज मन के संख्या ह 738 हे। ऊहचे 1202 मरीज मन ह स्वस्थ हो के अपन घर लहुटे चुके हे।