जय जोहार…. धमतरी (dhamtari) जिला के भखारा क्षेत्र म कोरोना संक्रमित मरीज मन के संख्या ह सरलघा बाढ़त जावत हे। मंगलवार के भखारा क्षेत्र म कोरोना के 3 नवा मरीज के पहचान होय हे। एखर पुष्टि ल खंड चिकित्सा अधिकारी डॉ यूएस नवरत्न ह करे हे।
मिले जानकारी के मुताबिक (dhamtari) आज जेन कोरोना के नवा मरीज मिले हे, ओमा नगर पंचायत भखारा के वार्ड क्रमांक तीन ले 10 साल के लईका, वार्ड क्रमांक 4 ले 27 साल के युवक शामिल हे। ये दुनो संक्रमित ह पूर्व मरीज के संपर्क म आय रिहिन। उहचे ग्राम भेंडरवानी म 13 साल के लईका के कोरोना जांच रिपोर्ट ह पाजिटिव आय हे।
बता दन कि (dhamtari) भखारा क्षेत्र म कोरोना के 60 संक्रमित मरीज सामने आ चुके हे। जेमा नगर पंचायत भखारा के 38 मरीज हे। उहचे 13 मरीज मन के धमतरी के कोविड अस्पताल म इलाज चलत हे। जबकि 27 लोगन मन ल बने होय के बाद डिस्चार्ज कर दे गे हे।
