काली ले शुरू हो जाही युवा महोत्सव , तीन दिन के विशाल कार्यक्रम बर तैयार हे राजधानी.. उमेश पटेल

जय जोहार रायपुर.. सात हजार युवा अऊ ऊंखर व्यवस्था रुके के, खाय के अऊ सुरक्षा के,सब्बो तैय्यारी होय के बात राज्य के खेल अऊ उच्च शिक्षा मंत्री ह किहिस, मंत्री उमेश पटेल ह आज पत्रकारवार्ता के माध्यम ले जानकारी दिस कि स्वामी विवेकानंद के जयंती के अवसर म राजधानी म सात हजार युवा सकलाही, तीन दिन तक एक ले बढ़के एक कार्यक्रम होही जेमा जो युवा जेन म पारंगत होही अपन प्रस्तुति दिही.

सब्बो के रुके अऊ खाय के व्यवस्था बने ढंग ले शहर के बत्तीस जगह करे गे हे, ऊंखर सुरक्षा बर सैकड़ो पुलिस कर्मी तैनात रही, अलग अलग विधा ले राजधानी परिचित होही, मंत्री उमेश पटेल ह बताइस कि साइंस कालेज मैदान बड़े बड़े डोम बनाय गे हे जिन्हा सैंतीस विधा म आठ सौ इक्कीस कार्यक्रम होही.