आज हे पुण्यतिथि महान गायक केदार यादव के , सोनहा बिहान के ये कलाकार के याद बस हे बाकी

जय जोहार रायपुर….

उठ झटकुन बेरा झन कर होगे गा बिहान
चल भाई रे हम खेत म अपन लुए ल जाबो धान

दिन-भर कमा के सांझे घर आबो गा
सब अपन मेहनत के फल ल पाबो गा

तभे तो कहाबो हमन,
हो हो हो हो हो हो हो हो

तभे तो कहाबो हमन भारत के किसान
चल भाई रे …

ये गीत ल स्वर दे रिहिस केदार यादव , स्वर्गीय केदार यादव ल कोन नई जाने , कला जगत के सब्बो कलाकार मन के आँखी आज के दिन आंसू ले भर जाथे, काबर कि आज के दिन गायिकी के भीष्म पितामह केदार यादव ये दुनिया ल छोड़ के चले गे रिहिस , दुर्ग अऊ राजनांदगाव क्षेत्र के कलाकार मन बर केदार यादव एक मार्गदशक रिहिस अऊ कलाकार मन बर प्रेरणाश्रोत घलो, आज भी सब्बो कलाकार मन केदार यादव ल अपन बीच न पाके बहुत दुखी हे , स्व.केदार यादव ह अपन आवाज म कईगीत गाइस अऊ वो गीत मन आज भी सोशल मीडिया म देखे अऊ सुने जाथे , जम्मो छत्तीसगढ़ के कलाकार मन स्व. केदार यादव ल श्रद्धांजलि व्यक्त करे हे .