chhattisgarh समेत पुरा देश के 60 लाख सरकारी कर्मचारी मन काली करही एक दिन के अपन परिवार संग उपवास

जय जोहार…. (chhattisgarh) राष्ट्रीय पुरानी पेंशन बहाली संयुक्त मोर्चा (एनओपीआरयूएफ) के राष्ट्रीय कार्यकारिणी ह पुरानी पेंशन बहाली के मांग ल ले के देशव्यापी आंदोलन के तहत एक दिन के उपवास के आह्वान करे हे।
(chhattisgarh) गत दिनों वीडियो कांफ्रेंसिंग म कार्यकारिणी के बइठक आयोजित करे गिस। ए बइठक के संचालन ल मिलिंद बिष्ट ह करिन। देश भर के कर्मचारी संगठन के अलग-अलग प्रतिनिधि मन के आलावा सबो राज्य के प्रतिनिधि ह ए वीडियो कांफ्रेंसिंग म शामिल होइस।
एनओपीआरयूएफ के राष्ट्रीय अध्यक्ष बीपी रावत ह देश के सबो 60 लाख एनपीएस कमचारी मन ले पुरानी पेंशन बहाली के मांग के समर्थन म देश के सबो कर्मचारी मन ले 13 सितंबर के पुरानी पेंशन बहाली बर एक दिन के पारिवारिक उपवास करे के आह्वान करिन।
छत्तीसगढ़ (chhattisgarh) के प्रदेश संयोजक वीरेंद्र दुबे ह बताइस कि पुरानी पेंशन बहाली बर प्रदेश के लभग 3 लाख कर्मचारी ह पारिवारिक उपवास रह के समर्थन करही।