dhamtari जिला म कोरोना ले दू मरीज मन के हो गे मौत, पढो पूरा खबर

जय जोहार…. धमतरी (dhamtari) जिला म सनिच्चर के कोरोना ले दू मरीज मन के मौत हो गे। एखर संग ही जिला म कोरोना ले मौत के आंकड़ा ह 16 पहुंच गे हे।
मिले जानकारी के मुताबिक (dhamtari) भखारा के वार्ड क्रमांक 6 के रहवइया बुजुर्ग महिला के जिला अस्पताल धमतरी म कोरोना जांच करे गिस, जेमा ओखर रिपोर्ट ह पाजिटिव आय के बाद ओला इलाज बर बठेना के कोविड अस्पताल रिफर करे जावत रहिस, ए दौरान ओखर मौत हो गिस।
उहचे दूसर (dhamtari) शहर के आन वार्ड ले बुजुर्ग हे, जेखर इलाज ह कोविड अस्पताल म जारी रहिस। दुनो मरीज मन के मौत के पुष्टि करत हुये सर्विलेंस अधिकारी डॉ विजय फूलमाली ह बताइस कि भखारा ले इलाज बर पहुंचिस महिला अऊ दानीटोला वार्ड के रहवइया के उम्र ह 70 वर्ष ले जादा रहिस। दुनो के आज मौत हो गे। ओ मन ल आन बीमारी घलो रहिस।