chhattisgarh : काली 2 जिला आही अस्तित्व म, सीएम ह करही सुभारम्भ, प्रदेस म जिला के संख्या बढ़के हो जाही 33

जय जोहार। (chhattisgarh) मुख्यमंत्री भूपेश बघेल ह 9 सितम्बर के 2 नवा जिला के सुभारम्भ करइया हे । मनेंद्रगढ़-चिरमिरी-भरतपुर 32 वां अउ सक्ती 33 वां जिला के रूप म अस्तित्व म आही । अइसने प्रदेस म जिला के संख्या बढ़के 33 हो जाही । दूनों नवा जिला के गठन ले ए क्षेत्र के वर्षों पुरानी मांग पूरा होय ल जावत हे ।

(chhattisgarh) मनेन्द्रगढ़-चिरमिरी-भरतपुर कोरिया जिला ले अलग होके अउ जांजगीर-चांपा ले अलग होके सक्ती जिला नवा प्रसासनिक इकाई के रूप म अस्तित्व म आही । नवा जिला के गठन ल लेके मनेन्द्रगढ़-चिरमिरी-भरतपुर के सुदूर वनांचल क्षेत्र अउ सक्ती म हर्ष व्याप्त हे । नवा जिला अस्तित्व म आय ले क्षेत्र म विकास के नवा धारा बही, विकास के गति अउ तेज होही ।

(chhattisgarh) नवा जिला के सुभारंभ अवसर म मुख्यमंत्री भूपेश बघेल ह दूनों जिलों म 353 करोड़ 79 लाख 23 हजार रुपिया के विकास काम के सौगात देही। ए दिन मनेंद्रगढ़ म 187 करोड़ 04 लाख 66 हजार रुपिया के 9 काम के भूमिपूजन अउ 13 करोड़ 68 लाख 57 हजार रुपिया के 6 काम के लोकार्पण करे जाही। उहें सक्ती म 85 करोड़ 20 लाख रुपिया के 296 विकास काम के भूमिपूजन अउ 67 करोड़ 85 लाख 99 हजार रुपिया के 13 काम के लोकर्पण होही ।