दर्दनाक हादसा… ट्रैक्टर के अनियंत्रित हो के पलटे ले 5 मजदूर के दबके मउत

बिलासपुर। हिर्री थाना इलाका म एक ट्रैक्टर अनियंत्रित होके पलट गे, जेमा 5 मजदूर के दब के मउत होगे। देर रात के होईस ये हादसा म कड़ी मशक्कत के बाद बिहनिया कन जम्मो मजदूर के शव ल गड्ढा ले बाहिर निकाले गिस। जम्मो मजदूर ह कोनी इलाका के चुमकंवा गांव के रहवईया बताए जात हे।

बतात हे कि ग्राम पंचायत अटर्रा के आसपास बिजली तार खींचे के काम चलत हे। ठेकेदार ह पंचायत भवन म मजदूर मन के रेहे बर व्यवस्था घलो करे रहीस। इहां ले मजदूर मन ह रोज बिहनिया ले काम म निकल जात रिहिस अउ संझा आके रात म रूकय।

अतिरिक्त पुलिस अधीक्षक संजय ध्रुव ने बताईन कि बीत रात नजदीक के साइट ले काम कर छह मजदूर समेत 1 ट्रैक्टर चालक ह पंचायत भवन लौटत रिहिस। गांव के कच्चा रस्ता म अनियंत्रित होके ट्रैक्टर ह पानी भरे गड्ढा म पलट गे। ये हादसा म चालक समेत मजदूर मन घलो ट्रैक्टर म दब गे। तड़के बिहनिया कन पुलिस ह 5 शव बरामद करिन हे। जेमा 4 मजदूर के पहचान सूरज साहू पिता घनश्याम साहू (27),  ट्रैक्टर चालक अक्षय खैरवार पिता कार्तिक खैरवार (21), राजकुमार नेताम, रामायण साहू के रूप म करे गे हे। फेर एक झन के पहचान नई होय पाए हे, जेखर पतासाजी करत हे।