हेलमेट के प्रति जागरूकता लाए ए हवय ट्रैफिक पुलिस के नवा उपाय

       ट्रैफिक पुलिस ह मुहिम म हर दिन               100 ले जयादा लोगन ल               हेलमेट  के खरीदी करवात हे
बिलासपुर : अगर आप बिलासपुर शहर म बिना हेलमेट बाइक चलावत हवह त अब ट्रैफिक पुलिस आप मन के ऊपर चालानी कार्रवाई नइ करही. बल्कि अब बिना हेलमेट बाइक चलाइया मन ल तत्काल उहें ले या कोनो मेर ले हेलमेट लेना ही होही.

ट्रैफिक पुलिस के ए अभियान म अगर कोनो बिना हेलमेट के पकड़ा जात हे त ट्रैफिक पुलिस चालान के एवज म हेलमेट पहिनाही . ट्रैफिक पुलिस ए मुहिम म हर दिन 100 ले जियादा लोगन ले हेलमेट के खरीदी करवात हे..बता दें के, बिलासपुर एसपी अभिषेक मीणा के निरदेस म ट्रैफिक पुलिस बाइक चालक मन ल हेलमेट के प्रति जागरूकता लाए बर एक नवां प्रयोग करत हवय. एमा पुलिसकर्मी के टीम बाइक चालक मन ल हेलमेट के अनिवार्यता के जानकारी देवत हवय.

उहें एडिशनल एसपी ट्रैफिक रोहित बघेल के नेतृत्व म जनहित म एक हेलमेट कैम्प का आयोजन शहर के मुख्य चउक म करे जाथे. ए दउरान बिना हेलमेट बाइक चलाइ मन के चालान के जगा हेलमेट उपलब्ध कराय जात हे. ए कार्रवाई के दउरान बाइक चालक मन ले चालान के वसूली के बजाए उमन ल हेलमेट खरीदे बर कहे जाथे.

ए आयोजन के पहिली ही दिन ले अब तक पुलिस ह 100 ले अधिक लोगन लेहेलमेट खरीदी करवा दिस हे. ट्रैफिक एएसपी रोहित बघेल के कहना हे के , ए मुहीम ले हेलमेट के प्रति लोगन म जागरूकता बढ़ही.