पुलिस विभाग म होइस तबादला, छह थाना प्रभारी मन ह होइस एति ले ओती

जय जोहार…. कोरबा जिला में छह थाना प्रभारी मन के तबादला कर दे गे हे। तबादला आदेश ल पुलिस अधीक्षक ह जारी करे हे।
जारी तबादला सूची म बालको थाना प्रभारी लखन पटेल ल उरगा थाना, त दर्री थाना प्रभारी राकेश मिश्रा ल बालको के प्रभार दे गे हे। हरदीबाजार चौकी प्रभारी विजय चेलक ल दर्री थाना के प्रभार दे गे हे।

रक्षित केन्द्र ले रमेश पांडे ल हरदी बाजार चौकी के दायित्व सौंपे गे हे। अनिल पटेल ल घलो रक्षित केन्द्र ले बांगो थाना प्रभारी बनाय गे हे।

एखर आलावा बांगो थाना प्रभारी एसएस पटेल ल रक्षित केंद्र भेज दे गे हे। शहर के थाना प्रभारी, सीएसईबी चौकी, रामपुर चौकी अउ मानिकपुर चौकी प्रभारी ह यथावत हे।