chhattisgarh : हाट-बाजार क्लीनिक म दूरिया के गांव अउ वनांचल के 51 लाख ले जादा मनखे मन के इलाज

जय जोहार। छत्तीसगढ़ (chhattisgarh ) के वनांचल अउ ग्रामीण इलाका के हाट-बाजार म स्वास्थ्य विभाग के मेडिकल टीम डहार ले 51 लाख 15 हजार 132 मनखे मन ल इलाज मुहैया कराए गेहे । मुख्यमंत्री हाट-बाजार क्लीनिक योजना के माध्यम ले प्रदेस के 1824 हाट-बाजार म क्लीनिक लगाके मनखे मन के मुफत जांच व उपचार कर दवाई दे जात हे ।

(chhattisgarh ) हाट-बाजार क्लीनिक म जरूरतमंद मन ल मुफत उपचार, चिकित्सकीय परामर्स अउ दवाई उपलब्ध कराय के संग ही मोबाइल मेडिकल यूनिट डहार ले मलेरिया, एचआईव्ही, मधुमेह, एनिमिया, टीबी, कुष्ठ रोग, उच्च रक्तचाप अउ नेत्र विकार के जांच घलो करे जात हे । ए क्लीनिक म शिशु अउ गर्भवती महिला मन के टीकाकरण घलो करे जात हे । हाट-बाजार क्लीनिक म ओ.पी.डी. आधारित आठ प्रकार के सेवा उपलब्ध कराये जात हे । जांच के बाद व्याधिग्रस्त मनखे मन ल मुफत दवाई घलो दे जात हे ।

(chhattisgarh ) मुख्यमंत्री हाट-बाजार क्लीनिक योजना के अंतर्गत प्रदेस न अब तक 12 लाख 51 हजार 020 मनखे मन के उच्च रक्तचाप, 10 लाख 54 हजार 717 मनखे मन के मधुमेह, 4 लाख 09 हजार 439 मनखे मन के मलेरिया जांच, 2 लाख 76 हजार 727 मनखे मन के रक्त-अल्पता (एनीमिया) अउ एक लाख 614 मनखे मन म नेत्र विकार के जांच करे गेहे । ए क्लीनिक म 39 हजार 699 मनखे मन के टीबी, 15 हजार 631 मनखे मन के कुष्ठ अउ 30 हजार 147 मनखे मन के एचआईव्ही जांच घलो करे गेहे। ए दउरान 75 हजार 978 गर्भवती महिला मन के एएनसी जांच घलो करे गेहे ।