Chhattisgarh: आदिम जाति अऊ अनुसूचित जाति के शैक्षणिक संस्था घलो होही सुरू

जय जोहार…. (chhattisgarh) राज्य सरकार ह छत्तीसगढ़ म सबो स्कूल म कक्षा नवीं ले बारहवीं तक के पढ़ई ल फेर सुरू कराय जाय के निर्णय ले हे। एखर तहत आदिम जाति अऊ अनुसूचित जाति विकास विभाग ह विभाग म संचालित सबो शैक्षणिक संस्था ल 15 फरवरी ले अनिवार्य रूप ले सुरू करने के निर्देश सबो सहायक आयुक्त ल दे हे।

(Chhattisgarh) विभाग के आयुक्त डीडी सिंह ह सबो सहायक आयुक्त ल निर्देशित करे हे कि विभाग ह संचालित सबो शैक्षणिक संस्था प्रयास आवासीय विद्यालय, एकलव्य आवासीय विद्यालय, क्रीड़ा परिसर अऊ सबो आश्रम-छात्रावास, जेमा कक्षा नवीं ले बारहवीं तक बर संचालन करे जावत हे। ओला 15 फरवरी ले अनिवार्य रूप ले पुन: प्रारंभ करे जाये। (Chhattisgarh) सहायक आयुक्त मन ल ये घलो निर्देशित करे गे हे कि शैक्षणिक संस्था ल सुरू करे के पहिले आवश्यक साफ-सफाई, सेनेटाइजर आदि कार्य ल करा ले जाये। कोरोना संक्रमण अऊ बचाव बर केंद्र अऊ राज्य सरकार के समय-समय म जारी निर्देश, एसओपी के पालन करत हुये संस्था के संचालन ल सुनिश्चित करे जाये।