टुनटुन के प्रतिरूप हावे किरण ताम्रकार , छत्तीसगढ़ी के संगे संग भोजपुरी म घलो दिखाय हे जलवा

दीपक बावनकर@रायपुर टुनटुन ल आप सब मन जानत होहु ,एक समय रिहिस जब टुनटुन के नाम ले फिलिम चलत रिहिस अऊ  ओखर बाद गुड्डी मारुती पर्दा म अपन अभिनय ले सबके मन जीतत रिहिस अइसने हमर छत्तीसगढ़ी सिनेमा के टुनटुन हे दुर्ग के कलाकार किरण ताम्रकार ,जेन ह अपन अभिनय ले सीन म जान फूंक देथे

किरण के खाता म अब तक दर्जनों फिलिम हे अऊ वहू म अलग अलग किरदार के , किरण ह भोजपुरी सिनेमा के सुपर स्टार निरहुआ के फिलिम म घलो अभिनय कर डारे हे अभी किरण ह छत्तीसगढ़ी सिनेमा म फोकस करत हे अऊ जय माँ शीतला म अहम किरदार निभात हावे , अपन भारी भरकम शरीर के बाद भी अभिनय ल ले के बहुत संजीदा हे किरण .