50 हजार के गांजा के संग दू आरोपी ल पुलिस ह करे हे गिरफ्तार
जय जोहार…. गरियाबन्द जिला म बुधवार के गांजा के तस्करी करत दू आरोपी ल पुलिस ह गिरफ्तार कर ले हे। आरोपी मन के कार ले पांच किलो पचास ग्राम गांजा बरामद करे गे हे। जेखर कीमत ल लगभग 50 हजार रूपिया बताय जावत हे। पुलिस ह आरोपी मन ल जेल भेज दे हे।
पुलिस ले जानकारी के अनुसार सिटी कोतवाली के थाना प्रभारी विकास बघेल ह पेट्रोलिंग म निकले रिहिस। ए दौरान मुखबिर ले सूचना मिलिस कि सफेद रंग के वेगन आर कार म गांजा के तस्करी करे जावत हे।
ए सूचना म पुलिस टीम ह देवभोग रोड म कार म बइठे दू लोगन मन ले पूछताछ करिन, जेन ह संतोषप्रद जवाब नई दिस। एखर बाद कार की तलाशी म डिक्की म एक खाकी रंग के बंधे पैकेट म पांच किलो पचास ग्राम गांजा ल बरामद करे हे।
जेखर कीमत ल लगभग 50 हजार रूपिया बताय गे हे। पुलिस ह एनडीपीसी एक्ट के तहत आरोपी मन ल न्यायिक अभिरक्षा म जेल भेज दे गे हे।
