दू बाइक म आमने-सामने भिड़ंत, तीन युवक के मउत

रायपुर। राजधानी के उरला थाना इलाका म दू बाइक के आपस में टकराए ले मौका म ही तीन युवक के मउत हो गे। मृतक मन म एक युवक के पहचान हो गे हे, उंहे दू झन के बारे म पुलिस ह पतासाजी करत हे।

जानकारी के मुताबिक बाइक सवार तीन झन युवक मन ह बीरगांव कोती जात रिहिस तभे सामने ले आवत रिहिस मोटरसाइकिल ले टकरागे, ये हादसा म तीनों युवक के मौका म मउत हो गे।

उरला थाना प्रभारी मनीष परिहार ह बतईन कि तीन युवक मन म एक झन के शिनाख्त बीरगांव इलाका के अछोली के रहैय्या कल्याण चतुर्वेदी के रूप म होय हे अउ दू झन के शिनाख्त करे जात हे।