कांकेर। जिला के छोटे बेठिया थाना क्षेत्र के ताड़वाली जंगल म नक्सलिी मन के द्वारा करेगे विस्फोट म बीएसएफ के दू जवान शहीद होगे। जवान सर्चिंग बर निकले रिहन हे। उहीं दउरान नक्सली मन ह आईडी ब्लास्ट कर दिस। बस्तर आईजी विवेकानंद सिन्हा ह जवान मन के मउत के पुष्टि करत हुए जवान मन के द्वारा देगे प्रतिउत्तर म कतको नक्सली मन के घलो मारे जाय के दावा करे गिस हे। वीरगति पावइया जवान संतोष लक्ष्मण अउ नित्यानंद नायक हे। घटना आज शाम के हे। बताय जात हे बीएसएफ के जवान मन ह मोटर सायकल म सवार होके सर्चिंग बर जात रिहिन हे। उही दउरान ताड़वाली के जंगल म पहिली नक्सली मन ह आईडी विस्फोट करिन ओखर बाद उमन ह ताबड़तोड़ फायरिंग करिनष । अचानक हुए हमला ले हड़बड़ाए जवान मन ह मोर्चा संभालत हुए नक्सली मन के फायरिंग के उत्तर दिन। देर तक चले फायरिंग के बाद नक्सली मन भाग खड़े होइन। ये दउरान दू जवान संतोष अउ नित्यानंद वीरगति ल प्राप्त होगे।