Chhattisgarh: शिक्षा के क्षेत्र म करे जावत उल्लेखनीय कार्य बर देश के टॉप 5 आकांक्षी जिला म छत्तीसगढ़ के 2 जिला, पढ़व पूरा खबर
जय जोहार…. (Chhattisgarh) शिक्षा के क्षेत्र म करे जावत उल्लेखनीय कार्य बर देश के टॉप 5 आकांक्षी जिला म छत्तीसग़ढ़ के दू जिला ह अपन स्थान बनाय हे। जेमा प्रदेश के दंतेवाड़ा जिला ल तीसर अऊ बस्तर ल चौथा स्थान मिले हे। भारत सरकार के नीति आयोग ह शिक्षा के क्षेत्र म करे जावत उल्लेखनीय कार्य के आधार म देश के आकांक्षी जिला के जनवरी 2021 के डेल्टा रेकिंग ल जारी करे हे। एमा प्रदेश के दू जिला ह टॉप 5 म अपन स्थान बनाय हे।
(Chhattisgarh) सीएम भूपेश बघेल ह दक्षिण बस्तर दंतेवाड़ा अऊ बस्तर जिला वासी मन ल बधाई अऊ सुभकामना दे हे। वो हा कहिन कि कभी विकास म पिछड़े माने जवइया ये जिला आज दूरस जिला बर प्रेरणा स्रोत बनत हे।
नीति आयोग ह देश के आकांक्षी जिला म शिक्षा के क्षेत्र म सबेल बेहतर कार्य करइया टॉप 5 जिला के डेल्टा रेकिंग जारी कर ए मन ल बधाई दे हे। (Chhattisgarh) नीति आयोग ह कहिन कि सामाजिक अऊ आर्थिक समृद्धि म शिक्षा के महत्वपूर्ण भूमिका होवत हे।
