नरवा म बोहागे दू झन लड़की, एक के मउत त दूसर के हालत गंभीर

जांजगीर-चांपा। टुण्डरी कोरकोटी गांव म नरवा म नहाय बर गे रिहिन दू झन लड़की मन ह पानी म बोहागे। जेकर ले एक झन के मउत हो गे, उंहे एक झन के हालत ह गंभीर हे।

जानकारी के मुताबिक बिलाईगढ़ थाना क्षेत्र के कोरकोटी गांव के रजनी कर्ष अउ निशा मानिकपुरी (17 साल) ह नरवा म नहाय बर गे रिहिन, इही दउरान पानी के तेज बहाव म दूनों झन बोहागे। निशा ल गांव वाले मन गंभीर हालत म नरवा ले बाहिर निकालिन हे, उंहे रजनी के लाश मिलिस हे। रजनी ह 10वीं कक्षा म पढ़त रिहिस। बतात हे कि कोरकोटी गांव ह चारो मुड़ा ले नरवा ल घेराय हे। अभी कुछ दिन ले लगातार पानी गिरत हे, जेकर सती नरवा ह उफान म हे।