UNICEF India ह करीन छत्तीसगढ़ म न्यूट्रिसन के क्षेत्र म करे जावत काम के प्रसंसा

जय जोहार। मुख्यमंत्री भूपेश बघेल ले आज ओखर निवास कार्यालय म यूनिसेफ इंडिया (UNICEF India) के प्रमुख यासूमासा किमुरा ह सौजन्य मुलाकात करीन । वोहा छत्तीसगढ़ म न्यूट्रिसन के क्षेत्र म अच्छा काम बर मुख्यमंत्री श्री बघेल ल बधाई दीन । मुलाकात के दउरान श्री किमुरा ह छत्तीसगढ़ म कुपोसण मुक्ति अभियान के प्रसंसा करीन अउ किहीन कि लईका मन म कुपोसण अउ महिला मन म एनीमिया दूर करे बर राज्य म अच्छा काम होवत हे । श्री किमुरा ह किहींन कि मुख्यमंत्री के नेतृत्व म छत्तीसगढ़ म हेल्थ के क्षेत्र म होवत काम के सेती छत्तीसगढ़ के हेल्थ इंडेक्स म काफी उल्लेखनीय सुधार होए हे । ये उत्साहजनक हाई । यूनिसेफ ह एखर ले काफी प्रभावित हे ।

श्री किमुरा ह मुख्यमंत्री ल बताइन कि यूनिसेफ इंडिया (UNICEF India) के टीम ह बस्तर अंचल के नारायणपुर, कोण्डागांव अउ बस्तर जिला के भ्रमण करे रिहीन। उहां मुख्यमंत्री सुपोसण अभियान के करे जावत काम ल नजदीक ले देखीन। वोहा किहीन कि मलेरिया उन्मूलन के क्षेत्र म घलो काफी अच्छा काम होए हे। मनखे मन ल अच्छा स्वास्थ्य सुविधा मिलत हे अउ ओखर दिक्कत दूर होए हे । ए अवसर म छत्तीसगढ़ म यूनिसेफ के प्रमुख जॉब जकारिया सहित यूनिसेफ के सैम सुधीर बंडी, डॉ. अर्पणा देश पाण्डेय, विशाल वासवानी उपस्थित रिहीन ।