केंद्रीय मंत्री अनुराग ठाकुर ह पहुंचिस रायपुर, व्यापारी, उद्योगपति अऊ सीए ले करही मुलाकात

जय जोहार रायपुर….केंद्रीय मंत्री अनुराग ठाकुर ह अपन एक दिन के दौरा म सोमवार के रायपुर पहुंचिस। ओखर विमानतल म भाजपा कार्यकर्ता मन ह स्वागत करिस। ए दौरान केंद्रीय मंत्री के उद्योगपति मन, व्यापारी मन, डॉक्टर, वकील अऊ सीए के अलावा सीबीआईसी अऊ सीबीडीटी के अधिकारी मन ले मुलाकात के कार्यक्रम हे। वो हा भाजयुमो के कार्यक्रम म घलो शामिल होही।

ए अवसर म केंद्रीय मंत्री ह सांसद अऊ पार्टी के वरिष्ठ नेता मन ले आग्रह करिस कि इहां व्यापारी वर्ग ले मिल के सरकार के कार्यक्रम अऊ नीति मन ले अवगत कराए जाए। यदि व्यापारी वर्ग ल कोनो समस्या हे त ओखर समाधान दिलाए के काम करे जाए।