Raipur : केन्द्रीय स्वास्थ्य राज्य मंत्री डॉ. भारती प्रवीण पवार ह हमर लैब, हमर अस्पताल, क्षेत्रीय कुष्ठ प्रसिक्षण अउ अनुसंधान संस्थान के करीन भ्रमण
जय जोहार । (Raipur) केन्द्रीय स्वास्थ्य अउ परिवार कल्याण राज्य मंत्री डॉ. भारती प्रवीण पवार ह आज रायपुर के राजातालाब हमर अस्पताल, जिला चिकित्सालय म हमर लैब अउ लालपुर के क्षेत्रीय कुष्ठ प्रसिक्षण अउ अनुसंधान संस्थान के भ्रमण करीन। वोहा हमर अस्पताल अउ हमर लैब म मरीज ल दे जावत सुविधा के जानकारी लीन अउ उंहा के कार्यप्रणाली के बारे म प्रभारी अधिकारी ले पूछीन । वोहा क्षेत्रीय कुष्ठ प्रसिक्षण अउ अनुसंधान संस्थान म पुनर्निर्मित ऑपरेसन थिएटर परिसर के लोकार्पण करीन । रायपुर के सांसद सुनील सोनी अउ राष्ट्रीय स्वास्थ्य मिशन के संचालक भोसकर विलास संदिपान घलो भ्रमण के दउरान मौजूद रिहीन ।
केन्द्रीय स्वास्थ्य राज्य मंत्री डॉ. भारती प्रवीण पवार ह राजातालाब हमर अस्पताल के निरीक्षण के दउरान मरीज बर प्रचलित टोकन सिस्टम के बारे म पूछीन । वोहा खुद टोकन डिस्पेंसर ले टोकन ल निकालके देखीन। वोहा रोजाना ओपीडी म अवइया मरीज के संख्या के जानकारी लीन । केन्द्रीय स्वास्थ्य राज्य मंत्री ह उंहा मॉडल टीकाकरण कक्ष, ड्रेसिंग रूम, महिला वॉर्ड, लेबर रूम अउ फॉर्मेसी के अवलोकन करीन । वोहा हमर अस्पताल के प्रभारी अधिकारी डॉ. शाल्वी वर्मा ल श्रीफल अउ शॉल भेंटकर के सम्मानित करीन ।
केन्द्रीय स्वास्थ्य राज्य मंत्री डॉ. पवार ह हमर लैब के भ्रमण के दउरान पंजीयन काउंटर, सैंपल कलेक्शन काउंटर, आयुष्मान कक्ष, कियोस्क अउ सहायता केंद्र, बैक्टिरियोलॉजी लैब, हिमैटोलॉजी लैब, कल्चर कक्ष अउ कोल्ड कक्ष के अवलोकन करीन ।
