चार महिना म आही आठ छत्तीसगढ़ी फिलिम , बन के हे तैयार , प्रदर्शन के हावे इंतजार

दीपक बावनकर@रायपुर कुछ दिन पहिली सब्बो छत्तीसगढ़ी फिलिम ल प्रदर्शन के संभावित तारीख मिलगे रिहिस ,लेकिन सतीश जैन के फिलिम हिट होय के बाद सब्बो के तारीख तितिर बितिर होगे..  हंस झन पगली के पचास दिन पूरा होय के बाद ले फेर सब्बो अवैय्या फिलिम वाला मन अपन अपन फिलिम के प्रदर्शन के तारीख के एलान करे म लग गे..अवैय्या फिलिम मन म रंगोबती , ससुराल , सॉरी लव यू , राजा भैय्या , सउत सउत के झगरा , लव दीवाना ,सुपर हीरो भैंसा अऊ हमर यार सुपर स्टार हावे ..

ये सब फिलिम मन अक्टूबर ले जनवरी तक आ जाही..येती हंस झन पगली ल दर्शक मन के प्यार अऊ दुलार अभी तक मिलत हे ..जब तक ये फिलिम लगे रिही  तब तक तो कोनो फिलिम रिलीज नई होवय ,आई लव यु २ म घलोक मन कुरैशी ल पसंद करे जात हे ..बहरहाल २०१८ तो सतीश जैन के झोली म गिस अब इन्तेजार रही २०१९ के