राजधानी के तीन अंग्रेजी माध्यम स्कूल म प्रवेश बर 30 जून तक जमा कर सकथे आवेदन

जय जोहार…. राजधानी म तीन सरकारी स्कूल ल अंग्रेजी माध्यम स्कूल म बदलाव करे गे हे। जिहां लईका मन के प्रवेश प्रक्रिया ह जारी हे। एखर बर आवेदन ल आफलाइन ही स्कूल म जमा करना पड़ही। जेखर आखिरी तारीख ह तीस जून हे।
जिला शिक्षा अधिकारी जीआर चंद्राकर ह बताइस कि नगर निगम के तीन स्कूल शहीद स्मारक के मौदहापारा, बीपी पुजारी स्कूल राजातालाब अऊ आरडी तिवारी स्कूल आमापारा चौक ल अंग्रेजी माध्यम स्कूल बनाय गे हे। ए स्कूल म प्रवेश बर प्रक्रिया ह जारी हे। आवेदन ल जमा करे के आखिरी तारीख तीस जून हे। ए सब्बो स्कूल म कक्षा एक ले बारहवीं तक के कक्षा संचालित होही। पहली कक्षा के प्रवेश बर लाटरी पद्धति ल अपनाय जाही। दूसरी ले बारहवीं तक मेरिट के आधार म प्रवेश दे जाही। स्कूल म कोनो प्रकार के शुल्क नई लगही।