Raipur : नगरीय प्रसासन मंत्री ह आरंग म विकास काम के करीन लोकार्पण अउ भूमिपूजन

जय जोहार। (Raipur) नगरीय प्रसासन अउ मंत्री डॉ. शिवकुमार डहरिया ह आज रईपुर जिला के आरंग ब्लॉक के ग्राम संडी अउ कुकरा म करीबन एक करोड़ 69 लाख रुपिया के विकास काम के लोकार्पण करीन । मंत्री डॉ. डहरिया ह ग्राम कुकरा म 5 लाख रुपिया के लागत के सामुदायिक भवन, रंगमंच लागत 3 लाख अउ 14 लाख 50 हजार रुपिया के लागत ले वन महिला भवन के लोकार्पण करीन । ग्राम संडी म 5 लाख रुपिया के लागत ले बने सामुदायिक भवन, पंचायत भवन उन्नयन के लोकार्पण अउ नल जल योजना के तहत एक करोड़ 51 लाख रुपिया के लागत ले बनइया पानी के टंकी निर्माण काम के भूमिपूजन करीन ।

नगरीय प्रसासन मंत्री ह किहीन कि प्रदेस म मनखे मन के खुसहाली के सबो जरूरी काम करे जात हे । वो हा किहीन कि मुख्यमंत्री भूपेश बघेल के निर्देसन म किसान, अनुसूचित जाति, जन जाति, पिछड़ा वर्ग महिला अउ लईका मन समेत समाज के सबो वर्ग के खुसहाली बर काम करे जात हे । किसान मन ल राजीव गांधी किसान न्याय योजना, राजीव गांधी भूमिहीन कृषि मजदूर न्याय योजना के तहत खेतिहर मजदूर अउ भूमिहीन परम्परागत काम करइया मनखे मन ल लाभांवित करे जात हे । प्रदेस म किसान मन ले धान के समर्थन मूल्य म खरीदी ले ओमन ल आर्थिक फायदा होत हे , जेखर ले प्रदेस म चारों डहर खुसहाली हे।

लोकार्पण अउ भूमि पूजन कार्यक्रम म जिला पंचायत रईपुर के सभापति श्रीमती अनिता थानसिंह साहू, जनपद अध्यक्ष आरंग खिलेश देवांगन, कोमल साहू, टिकेश्वरी साहू, सुकुलराम साहू मौजूद रिहीन ।