छत्तीसगढ़ म सबले पहले पीएचई म लागू होइस यूएसओआर रेट, निर्माण अऊ संधारण कार्य म आही तेजी

जय जोहार…. लोक स्वास्थ्य यांत्रिकी विभाग ह छत्तीसगढ़ म सबले पहले अपन नवा यूएसओआर रेट ल लागू कर दे हे। पीएचई मंत्री गुरु रूद्रकुमार के मार्गदर्शन म विभागीय अधिकारी मन ह नवा यूएसओआर रेट ल सब्बो बारीकी ल धियान म रख के काफी मशक्कत ले तैयार करे हे। ए नवा रेट ले विभागीय निर्माण कार्य अऊ संधारण के कार्य ल कराय म आसानी होही।

मंत्री गुरू रूद्रकुमार ह नवीन दर ल विभागीय कार्य बर बीते एक जून को विधिवत लागू करिन अऊ एखर बर विभागीय अधिकारी मन ल बधाई दिस। वो हा कहिन कि नवीन दर लागू होय ले वर्ष 2024 तक राज्य के सब्बो गांव के प्रत्येक घर म नल के माध्यम ले जल के आपूर्ति के अंतर्गत कराय जवइया कार्य ल सहजता ले समय सीमा में पूर्ण कराय जा सकही। नवा यूएसओआर रेट लागू हो जाय ले पेयजल संबंधी निर्माण अऊ मरम्मत के कार्य ल कराय म आसानी होही।