chhattisgarh म बड़ तेजी ले होवत हे 15 ले 18 बच्छर के स्कूली लईका मन के टीकाकरण, अब तक 38 प्रतिसत लईका मन ल लगाय गेहे टीका

जय जोहार…. कोरोना ले बचाव बर प्रदेस (chhattisgarh ) म 15 ले 18 बच्छर के स्कूली लईका मन के बड़ तेजी ले टीकाकरण करे जावत हे। गत 3 जनवरी ले ए उमर वर्ग के टीकाकरण के सुरुवात के बाद पहला चार दिन म ही कुल लक्ष्य के 38 प्रतिसत किसोर मन ल टीका लगाय जा चुके हे।

(chhattisgarh ) प्रदेस के मुंगेली, राजनांदगांव, धमतरी अउ महासमुंद जिला म सुरुवाती चार दिन म ही कुल लक्ष्य के आधा ले जादा किसोर मन के टीकाकरण करे जा चुके हे। उहें बालोद, बेमेतरा, कांकेर, गरियाबंद अउ कोंडागांव घलो एखर करीब हे। प्रदेस म कुल 16 लाख 39 हजार 811 किसोर मान के टीकाकरण के लक्ष्य के विरूद्ध अब तक (6 जनवरी तक) छह लाख 18 हजार 089 को कोरोना वैक्सीन के पहलइया टीका लगाय जा चुके हे।

कोरोना सक्रंमण ले बचाव बर अब तक मुंगेली जिला म 32 हजार 737, राजनांदगांव म 54 हजार 980, धमतरी म 27 हजार 180, महासमुंद म 32 हजार 993, बालोद म 23 हजार 625, बेमेतरा म 26 हजार 672, कांकेर म 21 हजार 471, गरियाबंद म 17 हजार 162, कोंडागांव म 16 हजार 327, बलौदाबाजार-भाटापारा म 37 हजार 526, दुर्ग म 41 हजार 064, बिलासपुर म 40 हजार 200, दंतेवाड़ा म 6242 अउ रायगढ़ म 29 हजार 686 किसोर मन ल टीका लगाय गेहे।

कोरोनारोधी टीका के (chhattisgarh ) पहला खुराक रईपुर जिला म 46 हजार 272, जांजगीर-चांपा म 32 हजार 836 , जशपुर म 16 हजार 099, सूरजपुर म 15 हजार 041, कबीरधाम म 17 हजार 054, कोरिया म 11 हजार 737, बलरामपुर-रामानुजगंज म 13 हजार 563, सरगुजा म 14 हजार 988, गौरेला-पेंड्रा-मरवाही म 5838, बस्तर म 13 हजार, कोरबा म 18 हजार 074, बीजापुर म 2603, सुकमा म 2233 अउ नारायणपुर म 886 किसोर-किसोरी मन के टीकाकरण करे गेहे।