chhattisgarh के सवा करोड़ ले जादा आबादी ल कोरोना ले बचाव के लगीन हे दूनों टीका, पढ़व
जय जोहार…. (chhattisgarh) प्रदेस म कोरोना संक्रमण ले बचाव बर मनखे मन के बड़ तेजी ले टीकाकरण करे जावत हे। प्रदेस के सवा करोड़ ले जादा आबादी ल कोरोना ले बचाव के दूनों टीका लगाय जा चुके हे। इहां के एक करोड़ 25 लाख 49 हजार 361 मनखे मन ल कोरोना वैक्सीन के दूनों खुराक दे जा चुके हे।
ये (chhattisgarh) प्रदेस म टीकाकरण बर पात्र 18 बच्छर ले जादा के आबादी के 64 प्रतिसत हे। राज्य म 18 बच्छर ले जादा के 97 प्रतिसत अउ 15 ले 18 बच्छर के 38 प्रतिसत जनसंख्या ल पहलइया टीका लग चुके हे।
इहां 18 बच्छर ले जादा के एक करोड़ 91 लाख 36 हजार 892 मनखे अउ 15 ले 18 बच्छर के छह लाख 18 हजार 089 लईका मन ल कोरोना वैक्सीन के पहलइया टीका लगाय जा चुके हे। (chhattisgarh) दूनों उमर वर्ग म पहलइया अउ दूसरइया दूनों खुराक ल मिलाके प्रदेस भर म अब तक (6 जनवरी तक) कुल तीन करोड़ 23 लाख चार हजार 342 टीका लगाय गेहे।
