chhattisgarh म अब चार कैटेगरी म होही टीकाकरण, पढ़व

जय जोहार…. (chhattisgarh) प्रदेश म चार अलग-अलग कैटेगरी म टीकाकरण होही। पहले तीन श्रेणी अंत्योदय कार्डधारी, बीपीएल कार्डधारी अउ एपीएल सामिल रिहिन। अब ओमा फ्रंटलाइन वर्कर ल घलो सामिल करे गे हे।

(chhattisgarh) राज्य सरकार के तरफ ले जारी आदेश म फ्रंटलाइन वर्कर बर कुल वैक्सीन के 20 प्रतिशत, अंत्योदय कार्डधारी मन ल कुल वैक्सीन डोज के 12 प्रतिशत, बीपीएल परिवार ल कुल वैक्सीन डोज के 52 प्रतिशत अउ एपीएल परिवार ल कुल वैक्सीन डोज के 16 प्रतिशत मिलही।

मुख्य सचिव के अध्यक्षता म गठित सचिव मन के समिति के अनुशंसा म राज्य सरकार के तरफ ले फ्रंट लाइन वर्ककर के सूची म जेन श्रेणी ल सामिल करे हे, (chhattisgarh) ओमा स्वास्थ्य विभाग के तरफ ले परिभासित कोमार्बिडिटी वाला व्यक्ति, भोजन प्रदाय करइया अउ सब्जी विक्रेता, बस ड्राइवर कंडक्टर, पत्रकार, वकील, आंगनबाड़ी कार्यकर्ता, मितानिन, पंचायत सचिव/कर्मी, पीडीएस दुकान प्रबंधक अउ विक्रेता, इंसटिटुशनल केयर म रहवइया महिला सामिल हे।