मांगिस जीत के आशीर्वाद, कार्यकर्ता मन ह पटाखा फोड़ के जताइस खुशी
दुर्ग. दुर्ग लोकसभा प्रत्याशी विजय बघेल के नाम तय होत ही उंखर सेक्टर-5 स्थित निवास म समर्थक मन के भारी भीड़ जुटिस. निवास म विजय बघेल नई रिहिस हे. पाटन क्षेत्र म कोनो बइठक लेत रहिन हे. उंखर धर्मपत्नी रजनी बघेल समर्थक मन के मोर्चा संभालिस. ए अवसर म मीडिया ले चर्चा करत हुए उमन कहिन के, विजय बघेल पूर्व म पाटन क्षेत्र के विधायक रही चुके हे. अउ संसदीय सचिव घलो रहे हे.
ये बेर लोकसभा के टिकट मिले म उंखर परिजन व समर्थक मन म खुशी के लहर हे. हर हालत म प्रधानमंत्री नरेंद्र मोदी ल दुबारा प्रधानमंत्री बनाए बर पूरा प्रयास करे जात हे. जब उमन ले पूछे गिस के, ए बेर मोदी जी ल कतना सीट मिलही. रजनी बघेल ह कहिन के, उम्मीद ले जियादा मिल ही.
दुर्ग लोकसभा सीट ले भाजपा के प्रत्याशी विजय बघेल ल बनाए जाए के बाद कार्यकर्ता मन म गजब उत्साह देखे गिस. भिलाई स्थित उंखर निवास म समर्थक मन ह विजय बघेल के पत्नी रजनी बघेल ल मिठाई खिला के बधाई दीन. पत्नी रजनी ह जीत के पूरा भरोसा जताइन.
येती दुर्ग लोकसभा सीट ले टिकिट मिले के बाद भाजपा प्रत्याशी विजय बघेल ह सबले पहिली पाटन के शीतला मंदिर म पूजा अर्चना करिन. एखर बाद आत्मानंद चउक म समर्थक मन ह पटाखा फोड़िन. टिकट मिले म खुशी जाहिर करत हुए वरिष्ठ नेता मन ल धन्यवाद दवत हुए विजय ह जीत के पूरा भरोसा जताइन.
Other Articles
समाज के फरमान दूल्हा के अरमान मन म पड़िस भारी
