भाजपा के हर कार्यकर्ता समर्पन के भावना ले काम करथे : डॉ. रमन सिंह

रायपुर. भाजपा के राष्ट्रीय उपाध्यक्ष अउ पूर्व मुख्यमंत्री डॉ. रमन सिंह ह लोकसभा चुनाव के दृष्टि ले बने समिति मन के सदस्य मन ल संबोधित करत हुए कहिन के, केवल भाजपा म ही संभव हे, विशाल हृदयता के संग प्रत्येक कार्यकर्ता समर्पन के भावना ले कार्य करत हवय. अउ त्यागसीलता ही हम सबके पहिचान हे. उमन कहिन के, 11 के 11 लोकसभा सीट मन म हम जीतबो. ये तय हे, लेकिन ए अवसर म मैं वो कर्मयोगी सांसद मन ल सलाम करत हव. जेमन पार्टी के फइसला ल स्वीकार करिन.

अइसन फइसला ल स्वीकारना सहज नइए. लेकिन ये सब संभव भारतीय जनता पार्टी म हे. उमन कहिन के, पूर्व मंत्री अउ रायपुर के सांसद रमेश बैस के दीर्घकालीन अनुभव रहे हे. उमन सदैव पार्टी ल मजबूत करे म आघू पंक्ति म खड़े रहिन. उमन कहिन के, भाजपा के प्रदेशाध्यक्ष विक्रम उसेंडी अउ पूर्व केन्द्रीय मंत्री विष्णुदेव साय समेत सबो सांसद मन ह देस अउ पार्टी बर अद्भुत योगदान दिन हे. डॉ. सिंह ह कहिन के., हमन अपन लो सबो सांसद मन के सार्वजनिक अभिनंदन करना चाहत हन. पूर्व मुख्यमंत्री ह पार्टी द्वारा घोसित सबो 11 उम्मीदवार मन ल हार्दिक सुभकामना देवत हन..

इस अवसर म रायपुर लोकसभा के उम्मीदवार सुनील सोनी ह कहिन के, मोला सबके आशीर्वाद के वजह ले टिकट मिले हे. अउ मैं नई हमन सबो चुनाव लड़त हन. मोला पार्टी के आला नेतृत्व समेत सबो झन केआशीर्वाद प्राप्त होइस हे, एखर वजह ले पूरी पार्टी के आभारी हव. ये अवसर म प्रदेशाध्यक्ष विक्रम उसेंडी, नेता प्रतिपक्ष धरमलाल कौशिक, अजजा मोर्चा राष्ट्रीय अध्यक्ष रामविचार नेताम, प्रदेश महामंत्री संगठन पवन साय, पूर्व मंत्री राजेश मूणत, प्रदेश कार्यालय प्रभारी सुभाष राव, समेत भाजपा पदाधिकारी मउजूद रहिन.