chhattisgarh : लोक स्वास्थ्य यांत्रिकी मंत्री ह आइसोलेसन वार्ड अउ उप स्वास्थ्य केंद्र के जीर्णाेद्धार काम के करीन लोकार्पण

जय जोहार। (chhattisgarh) लोक स्वास्थ्य यांत्रिकी अउ ग्रामोद्योग मंत्री गुरु रूद्रकुमार ह आज दुर्ग जिला के अहिवारा म उप स्वास्थ्य केंद्र के जीर्णाेद्धार काम के लोकार्पण करीन। 39 लाख रुपिया के लागत के ए काम के निर्माण डीएमएफ मद ले होए हे । एखर संग वो हा 37 लाख रुपिया के लागत ले बने आइसोलेसन वार्ड के लोकार्पण घलो करे हे ।

ए अवसर म (chhattisgarh) मंत्री गुरू रूद्रकुमार ह किहीन कि सरकार ह सिक्षा, स्वास्थ्य, पेयजल जइसन बुनियादी सुविधा ल गुणवत्तापूर्वक उपलब्ध कराय के दिसा म प्रतिबद्ध हे। एखर बर युद्ध स्तर म काम करे जात हे । जल जीवन मिसन के माध्यम ले हर घर नल ले जल सुद्ध पेयजल उपलब्ध कराय के काम करे जात हे ।

उहें मंत्री गुरू रूद्रकुमार ह न.पा.पं. अहिवारा के वार्ड क्रमांक-3 म साहू समाज के भवन के लोकार्पण घलो करीन । वोहा साहू समाज के पदाधिकारी मन ल बधाई अउ सुभकामना देत हुये किहीन कि साहू समाज संगठित होके विकास बर बेहतर काम करत हे । ए अवसर म नगर पालिका अध्यक्ष नटवर ताम्रकार समेत स्थानीय जनप्रतिनिधि अउ बड़का संख्या म मनखे उपस्थित रिहीन ।